الرئيسية
من اجمل الابيات الشعرية
*ياكثر مانذكر من الناس غالين**** تحت الثرى ماعاد فيهم رجوعي
*اموت بعيونك ولاهان باقيك **** كلك حلو بس الحلا في عيونك
*انساك لحضه واذكرك باقي العام **** حتى وانا ناسيك نسيت وذكرتك
*منهو حبيبك غايتي بس اهنيه **** على حسن حظه عشانك حبيبه
*ناسن لها بالقلب حشمه وتقدير **** وناسن تجي وتروح محدن فقدها
*اضحك حبيبي دام وقتك مسليك**** بكره تموت من القهر لانسيتك
*جوهره وشلون تمشي على القاع**** حسبي على من جابها من بحرها
*كان الامل في شوفتك يوم فرقاك **** الله يجيب موادعك لجل اشوفك
*من يقول انك تكون من البشر **** البشر من طين وانت اصلك ملاك
*ياحبيبي لاتقارن بين حب امك وحبي**** اخاف من عينك تطيح الامومه
*لاجيت انادي غيرك اخطي واناديك**** من زود حبي لك نسيت الاسامي
*احاول ابعد عنك من كثر ما اغليك **** عكس البشر خايف غلايا يضرك
*امر تدلل بس لاتطلب الشوف **** وشلون اشوفك وانت ماخذ عيوني
*خذني لدنيا بعيده مابها غيرك **** ماودي الناس في شوفك تشاركني
*القلب يجبرني عليك انت بالذات**** ولا العرب واجد وغيرك مزايين
*اقصد بغيره وكل القصايد تجي فيه **** كن القصايد حالفه ماتخونه
*تضحكني الدمعه ويبكيني الضحك **** دمعة وفي ولا ابتسامة منافق
*ياليتني بينك وبين المضره **** من غزة الشوكه الى سكرت الموت
*اصبر لي شوي لو دمعي تثاقلته **** بحاول استوعب اللي صار قدامي
*اذكرك وابكي على كل مافات **** ولولاك ماتبكي على شي عيني
*يا ابن الحلال انت وش تبقى بهالدمعه **** بتموت ولا شفت دمعة ذل في عيني
*لو لا العيون ليا بكت جابت عيون**** والله لبكي لين اشاهد عيونك
*انا اتحسر يوم رحتي واعاني **** وانتي على عرش الفؤاد استرحتي
*اوادعه وامشي واقول انتهينا **** ومن باكر ارجع واتاسف واراضيه
*الليل من دونك ترى شين ومخيف **** وشلون اقضي تالي الليل دونك
*اقعد واشب النار واذكر وليفي **** وبحجة الدخان ابكي على كيفي
*ودي اشوف من صار بعدي حبيبك **** وتشوف حالي بعدما حنا افترقنا
*صورة قديمه رجعتني لماضيك *** صورة قديمه للورى رجعتني
*شفتك معه وصديت عنك واقفيت *** اخاف اموت من القهر في مكاني
*صوتن سمعته تل قلبي من اقصاه *** لو لا ضلوعي راح قلبي مع الصوت
*ياعنود بعض الشقا شوفيه في عيني *** والبعض الآخر احب الناس يقرونه
*نفسي اعرف غلطتي وشهي معك *** قبل ابتعد عن حياتك واستخير
*ابيك بس لحضه معي وانت صديت*** وش فايده نجوم الليل لاقفى قمرها
*قلت لك الف مره لاتجرب غلاك *** قلت لك لاتغلى منت ناقص غلا
*حبيتك الوقت كله مابقت ساعه *** تركت لك هالدقيقه حبني فيها
*اكرهك واحبك ولا ابيك وابيك *** لخبطت فكري ماعرفت الحقيقه
*تدري لو الحب في يوم يتكلم ***كان قال شوي خف الله يهديك
*وصفك يعجز شاعر الانس والجن*** والله مدري بالشعر كيف اطوله
*راسي ولو شح الزمن ماحنيته *** مابقى الا انتي توطين راسي
*مادام لي يوم واحد في العمر باقي*** تظل بين البشر للموت معشوقي
*موت البشر واحد وانا اموت آلاف*** ياعونت الله ويش انا عايشن له
*لاعاد تذكرني ولا عاد انا اطريك*** خل الجفا والبعد مسك الختامي
*المزايين بشوفك صارو لك عبيد*** حتى القمر يوم شافك انجلا
*ماواحدن قبلي عشق عيب غاليه ***انا الوحيد اللي عيوبه عشقها
*لحظه هنا مفروض توقف وتفهم***انك تموت ولا تثير اهتمامي
*وجع هم وجع خوف وجع ضيقه *** على كيفك تعال اختار هذي سلة اوجاعي
*ماينحني راسي مادام مرفوع*** واذا انحنى راسي برجلي وطيته
*انا وفي من واقعي ماتهربت ***واجهت يومي يومك انتي هربتي
*ترحل بي عيونك لماضي سنينك *** واشوف نفس اللي قبالي قبالي
*الا ياعذاب القلب ياللي شغلتيه *** ليتك تحسي بالذي فيه ليتك
*كان الغلا مايجرح القلب وشلون*** نشعر بجرح الليل والبعد والنار
*ان قلت احبك قالها قبلي الناس *** ودي بكلمه عجزو الناس عنها
*ناري جفاك وجننتني لمسة ايديك *** لو لاي اخاف الله عبدتك عباده
*ياليتني مخلوق من غير تفكير*** او ليتني مجنون ماني بصاحي
*كل دار تضمك ليتها صدري ***وكل عين تشوفك ليتها عيني
*سلمت لك قلبي مع الروح تسليم *** وارخصت لك عمري هديه وتذكار
*انا على حطت يدك ماتغيرت *** بس انت قلي وش سبايب غيابك
*من زود حبك مايجي عيني النوم*** ومن كثر مااسهر باعو اهلي فراشي
*الخوف والحرمان والهم والويل ***ابطال قصه في مسلسل حياتي
*انا طموحاتي لها اهداف وابعاد*** لاكن زماني حطني شخص عادي
*حنيت لك راسي محبه وتقدير *** ولا تحسبنه في خضوعي مذله
*لك بسمة لو وزعت للمخاليق *** كان انطفى حزن القلوب ونكدها
*حبك رصاص مسدس كاتم الصوت *** يرمي الهدف بالصمت حتى يصيبه
*وشلون اشوفك وانت لعيوني الشوف ***عمرك سمعت بواحدا شاف شوفه
*لاتفرحين بضيقة الخلق يابنت *** بكره تبدل ضيقتي بابتسامه
*من عيوني خذ مراسيل الغرام *** كان تفهم في لغة حب العيون
*كانك على قولك تمنى لي الخير *** ساعدني انسى حبك اللي خذاني
*كرهني بنفسك ولو بذنب صغير ***القى به اعذاري واعود لزماني
*مبطي وانا لك ياهوى البال مشتاق ***شوق العمى لمعانق الشوف لحظه
*لابد يوم يجي وتواجه الدمعه ***اما على جيتي والا على فراقي
*ان كان شفتي في وصالك لي احراج***في صمت احبك بين قلبي وبيني
*مشتاق اشوفك يابعد كل الاصحاب***ودي بشوفك ماتفيد الرسايل
*كانك هقيت اللي بقيته مستحيل *** حنا ترا نقدر نحطه بين يديك
*السيل يبقاله مع القاع مجرى*** ويبقالك التذكار لو كنت فارقت
*من عرفت الدنيا ماعمري خضعت ***ومن بعدتي صرت افكر بالخضوع
*انا السما وانتي مثل واطي القاع *** مهما كبرتي بالمساحات تحتي
*اضحك ولا كل الوجيه احترمها *** بعض الوجيه اهينها بابتسامه
*لو ادري اني في منامي بشوفك *** حرام لقضي دنيتي كلها نوم
*وش فيك في لحظه تغيرت وقفيت *** منهو الجديد اللي عطيته مكاني
*يهتز قلبي كل ماحل طاريك ***هزت عماير بوش يوم ضربوها
*وش فيك ضايق من الدنيا وش الطاري *** من زعلك ما انخلق جنسه ولا جيله
*يا ابن الحلال السالفة لو تأملت *** ماهي باكثر من شقاوة طفوله
*ولو كل شي بغيته دوم حصلته*** كان اكبر الناس عندي اصغر اولادي
*نذر علي والنذر مافيه تبديل *** يا جارحك مايتهنى في منامه
*اما تعدي لو غدا صبحنا ليل *** والا تعالي واقلبي ليلنا صبح
*ادري مع غيري تخونيني الحين *** وادري بعد ساعه تخونين غيري
* عادي معك ابقى وعادي اخليك***مثلك مثل غيرك مجرد صداقه
*من كثر رقتها والنعومه *** كن النسا من حولها مسترجلات
*راح العمر وانتي تقولين باكر***وعيا يجي باكر من العام للحين
*انت البخور اللي تطيب به الدار*** وغيرك حطب والكل بالفرق داري
*باللين والترحال تكسب غرامي***ماينفعك كثر التغلي والزعل
*لايزعلك يابعد عمري سكوتي***ترى الغلا ماهو بكثر السوالف
*لونست غيمة مواصيلك سماي *** ماتموت من العطش نبتة غلاك
*حاولت اشوه صورتك في خيالي***وغصبن علي اميل يمك واحبك
*لو الارض تحس بلوعتي يوم فرقاك***يمكن .تجف بحورها من زعلها
*نسيتني في زحمة افراح دنياك***حتى سلام الله تكاثر تقوله
*شلت عنك اللوم ماقصدي غلا ***رأفتن في حالتك يوم انتهيت
*ازعل وان كان حبة الكوع ترضيك*** كسرت يدي لك وحبيت كوعي
*مدري وصلتك ليه لاكن وصلتك*** مدري ولاكن في غيابك تعلمت
*تكفون خلوه يزعل لاتراضونه*** والله ليبطي وهو ماجاه مرسالي
*حتى الغلا في غيبتك قال وين انت *** حتى الشعور يظيعك ثم يلقاك
*روحي وغيبي واختفي عن حياتي *** مهما ابتعدتي ماتعدين الاهداب
mom..
